Hluti af því að við verðum minna háð innflutningi á innfluttu fóðri er að við getum framleitt meira af próteini í grösunum okkar og með akuryrkju.
Ein þeirra plantna sem gæti hentað hér sem einær próteinjurt er lúpína en hún var talsvert ræktuð í Evrópu fyrr á árum en hefur síðan vikið fyrir öðrum uppskerumeiri tegundum. Vegna aukinnar áherslu í Evrópu um að draga úr innfluttningi á próteinfóðri hefur aukin athygli beinst að lúpínunni og aukin kraftur hefur verið settur í framræktun uppskerumeiri afbrigða eins og lesa má um í meðfylgjandi grein frá Danmörku.
RALA gerði fyrir ca 20 árum nokkrar tilraunir með ræktun á einærri lúpínu en veit ekki til þess að hún hafi verið í tilraunum síðan.
Veit einhver til þess að bændur hafi verið að prófa ræktun á einærri lúpínu á síðustu árum?
Væru ekki einhverjir bændur áhugasamir um að prófa ræktun á nokkrum afbrigðum næsta vor í smá blettum til að koma hreyfingu á svona ræktun aftur.
Það mætti hugsa sér að skella með einhverjum ertu eða baunategundum sem menn eru að rækta í N Skandinaviu í dag.
Það er ekki seinna vænna ef menn langar að prófa eitthvað nýtt næsta sumar en fara að undirbúa það því vorið er handan við hornið.
